घर पछुवरवा लँग केरे गछिया , लँग चुभे आधिरात सुनु सहेलिया मोरी हे
लँगके चुनि चुनि हार बनाओल, दिअउन बाबुजी के हाँथे सुनु सहेलिया मोरी हे । ।
जेहन आयो बाबा हारके सुरतिया ओहन जोहब जमाय सुनु सहेलिया मोरी हे
पुरब जोहल बेटी पछिम जोहल, जोहल मुङेह मुङेर सुनु सहेलिया मोरी हे । ।
तोहर जुगुत बेटी बर नही भेटल भेटिगेल तपसी भिखारी सुनु सहेलिया मोरी हे
जाहुक आओ बाबा अयोध्या नगरि ओत बसु दशरथ लाल सुनु सहेलिया मोरी हे । ।
दशरथ लालजिके चारु बर सुन्दर, जेठहिके तिलक चढयाब सुनु सहेलिया मोरी हे
पान सुपारी बाबा तिलक चढायब, तुलशी पात दहेज सुनु सहेलिया मोरी हे । ।
0 comments:
Post a Comment