बेटी पसाहिन
आजु सोहावन सीताके पसाहिन हे सोहावन लागे ।
शुभ शुभ अपटन लगाउँ हे सोहावन लागे
कथी के अपटन कथी के तेल हे सोहावन लागे
कथी के पीसल कसार हे, सोहावन लागे
आजु सोहावन सीताके पसाहिन हे सोहावन लागे । ।
सरीसो के अपटन अतरक तेल हे सोहावन लागे
सरीसो पीसल कसार हे सोहावन लागे
केये असाहिन केये पसाहनी हे, केये झारथिन नामी नामी केस हे, सोहावन लागे
अम्मा असाहिन चाची पसाहिन पीसी झारथिन नामी नामी केस हे, सोहवन लागे
आजु सोहावन सीताके पसाहिन हे सोहावन लागे । ।
0 comments:
Post a Comment