जय जय भैरवि
जय जय भैरवि असुर भयाउनि
पशुपति भामिनि माया ।
सहज सुमति बर दिय हे गोसाउनि
अनुगति गति तुअ पाया ।।
बासर रैनि सवासन शोभित
चरण चन्द्रमणि चूडा ।
कतओक दैत्या मारि मुँह मेललि
कतओ उगिलि करु कूडा ।।
सामर वरण नयन अनुरंजित
जलद जोग फुलकोका ।
कट–कट विकट ओठ पुट पाँडरि
लिधुर फेल उठ फोका ।।
घन–घन–घनन घुघुरु कत बाजए
हन–हन कर तुअ काता ।
विद्यापति कवि तुअ पद सेवक
पुत्र विसरु जनु माता ।।
0 comments:
Post a Comment