Maithili Samadhi Song- Jaldi Jaldi khau pahun

                  समधी

जल्दी जल्दी खाउँ पाहुन राईत बितैय
एक कनटर तेल हमरा डेली जरैय
भात ताबे खाउँ पाहुन दाल अबैय
तरकारी ला गारी बजार गेलैय
बरी ताबे खाउँ समैध सकरउरी अबैय
तेल ला मुखिया साहेब परमेन्ट कटैय
दही ताबे खाउँ समैध घी अबैय 
चीनि ला मुखिया साहेब परमेन्ट कटैय
                  (२)
समैध और सुनब गीत
दाल खेलौ, भात खेलौ, और खेलौ घी
चलैत के बेर समैध टीक पर लेसब दीप
समैध और सुनब गीत
दुध खेलौ, दहि खेलौ, और खेलौ घी
चलैत के बेर समैध टीक पर लेसब दीप
समैध और सुनब गीत

Read More

Maithili Parichhan Song- Kawane nagariya se aayal baratiya

                परीछन

कवने नगरीया से आयल बरीयतिया हे रस प्रीती माती
कवने नगरीया भेल शोर हे रस प्रीती माती ।।
श्री अबध नगरीया से आयल बरीयतीया हे रस प्रीती माती
श्री मिथिला नगरीया भेल शोर हे रस प्रीती माती ।।
एहन बरीयतीया हम कबहु न देखली हे रस प्रीती माती
देखीते लोभाएल जियरा मोर हे रस प्रीती माती ।।
चलु चलु सब देखी आउँ बरीयतीया हे रस प्रीती माती
पहिर लिअ लहँगा पटोर हे रस प्रीती माती ।।
                २
देखु देखु देखु बहिना सजनी हमार हे
घोडबा चढल अबथीन दुल्हा सरकार हे 
बजबा अनेक रङ्ग कइक हजार हे
बहुत बरियतीया सँग पावैन पार हे
चलु सभ बिदेह दुअरीया सुनु एक बिचार हे
दुल्हा के रुप देखब मौरीक लहरदार हे
कहथीन कनकलता देखु हिये बीचार हे 
चारो दुल्हीन जोग चारो कुमार हे ।।

Read More

Maithili Beti Pashahin song- aaju sohaban sita ke pasahin he sohaban lage

                   बेटी पसाहिन

आजु सोहावन सीताके पसाहिन हे सोहावन लागे ।
शुभ शुभ अपटन लगाउँ हे सोहावन लागे
कथी के अपटन कथी के तेल हे सोहावन लागे
कथी के पीसल कसार हे, सोहावन लागे
आजु सोहावन सीताके पसाहिन हे सोहावन लागे । ।

सरीसो के अपटन अतरक तेल हे सोहावन लागे 
सरीसो पीसल कसार हे सोहावन लागे
केये असाहिन केये पसाहनी हे, केये झारथिन नामी नामी केस हे, सोहावन लागे
अम्मा असाहिन चाची पसाहिन पीसी झारथिन नामी नामी केस हे, सोहवन लागे
आजु सोहावन सीताके पसाहिन हे सोहावन लागे । ।

 

 

Read More

Maithili Batgawani Song - Sanehiya lagaka daga delkai sakhi he

                बटगवनी

स्नेहीया लगाकँ दागा देलकै सखी हे, प्रितीया लगाके दागा देलकै सखी हे

इ हम जनीतौहु सखी हे, पीया चली जैतासे ठोकीतहुँ बज्र केबार सखी हे,

स्नेहीया .....

बज्र केबार सखी हे खुजी फुजी जेतैसे बन्तिहुँ अंचरा के खुट सखी हे,

स्नेहीया .....

अँचराके खुट सखी हे खुजी फुजी जेतैसे बन्तिहँु रेशमक डोरी सखी हे,

रेशमक डोरी सखी हे टुटी फाटी जेतैसे पलंगे पर किरिया खुअबिती सखी हे,

इ हम जनीतौहु सखी हे, पीया चली जैतासे पनमा खुआके मनमा मोही तहुँ सखी हे

जरदा खुआई मनमा मोहीतहुँ सखी हे

जरदा के नीसा सखी हे पियाजी के लगीतैसे मन परीतै पुरब स्नेहीया सखी हे

स्नेहीया लगाकँ दागा देलकै सखी हे । ।

Read More

Maithili Chaitabar Song - yehi tham motiya herayal ho ram

                    चैइताबर

एही ठाम मोतीया हेरायल हो राम, काहाँ हम ढुढुँ
कोठामे ढुढलौँ कोठलीयामे ढुढलौँ, ढुढली पियाके पंलगीया हो राम, काँहा हम ढुढुँ
सासु सँ पुछलौँ ननदीया सँ पुछलौँ, पियाके पुछैत सरमैलौ हो राम, काँहा हम ढुढुँ
ढुढीते ढुढीते मे बितल सारी रतीयाँ बीतीगेल दीन दुपहरीया हो राम, काँहा हम ढुढुँ । ।

(२)

राधा तेजल प्रणमा हो राम, आहाँके करणमा
जबसे कृष्णा गेल मथुरा नगरीया, बसीगेल कुबजी सौतीनीया हो राम, कन्हाँ के करणमा
सोलहो श्रृँगार बतीसो अभिरनमा नागीन साजल गहनमा हो राम
कथीला लोठब बेली चमेली कथीला गुथब फुल हार हो राम, कन्हाँ के करणमा
नीस दीन सोचथी मातु सुनैना रानी बितीगेल चैत महिना हो राम, कन्हाँ के करणमा । ।

Read More